Историја на Макам-Транс

Асоцијацијата на здруженија на работодавачите на превозните трговски друштва на Република Македонија “МАКАМ–ТРАНС“ претставува најголемо здружување на работодавачи на превозни трговски друштва во Р. Македонија. 

Основна активност на Асоцијацијата е унапредување и развој на меѓународниот превоз на стока како и внатрешниот превоз во рамките на територија на Р. Македонија, со активно влијание за измена, допрецизирање и воведување на голем број законски одредби кои дирекно влијаеа и влијаат за подобрување на економската и социјалната положба на членството.

Зачетоците на синдикалното здружување на работодавачите се од далечната 1992 година, кога за првпат по осамостојувањето на Р.Македонија е формиран синдикат на работодавачи со седиште во Кавадарци, за да во Октомври 1996 година се здружи со други синдикати во Унијата на независни автономни синдикати, каде фигурира до 12.04.2003 година.

Пререгистрирани, во 2003 година во Асоцијација „Макамтранс„ како повисок облик на здружување на трговските друштва со основна дејност – ПАТЕН СООБРАЌАЈ, со што се одвоиме и продолживме САМИ на патот за ПОДОБРО УТРЕ.

Врз основа на измените на Законот за работни односи, со укинувањето на синдикатите на работодавачи и нивно трансформирање во здруженија на работодавачи од 2010 година Асоцијацијата на независни синдикати „Макамтранс„ се пререгистрира во Асоцијацијата на здруженија на работодавачите на превозните трговски друштва на Република Македонија “МАКАМ – ТРАНС“ што преставува синоним за македонските транспортери.

Во периодот 1992 година – 2014 година, раководството на Асоцијацијата созреваше заедно со превозните трговски друштва, се реформиравме, се учевме од грешките и одевме напред, реалноста ни беше приоритет и затоа секогаш бевме и сме чекор пред сите. Спроведовме реформи кои значат ПОДОБРА ЕКОНОМСКА И СОЦИЈАЛНА ПОЛОЖБА НА ЧЛЕНКИТЕ. Имплементирањето на се она што „Макам-транс“ го постигна во периодот до 2014 година со подобрување во законските решенија, зависи од членките и нивната спремност да се борат ЗА СЕБЕ и за остварување на СВОИТЕ ПРАВА.

Временска линија

1992 Формиран синдикат со седиште во Кавадарци;

1996 Здружување со други синдикати во Унијата на независни автономни синдикати;

2003 Пререгистрирани како самостоен повисок облик на здружување на трговските друштва со основна дејност – ПАТЕН СООБРАЌАЈ;

2006 – 450 членки;

2007 – 1.000 членки – 15 години постоење;

2008 – 1.700 членки;

2009 – над 2.100 членки, со лиценца за вршење на дејност и

2010 – Пререгистрација во здружение на работодавачи – Асоцијација „Макам-Транс“

МАКАМ – ТРАНС – ПОДОБРО УТРЕ ЗА СИТЕ ТРАНСПОРТЕРИ

ВАШ МАКАМ – ТРАНС