Задолжителна подготовка за користење на електронскиот систем за ЕКМТ дозволи

Почитувани членки,

Како што досега неколку пати Ве информиравме новиот ECMT digital system (EDS) официјално стапува во целосна функција на 1 јануари 2026 година. Новото ЕКМТ упатство (ECMT Multilateral Quota: User Guide 2026) е веќе донесено, нема да биде укинато, ниту ќе се одложи неговата примена, поради што секој превозник корисник на ЕКМТ дозволи е должен навреме да се подготви.

Како Асоцијација, со цел да ви ја олесниме транзицијата, подготвивме детално упатство за користење на системот на македонски јазик.

Упатството е достапно на нашата веб страна во делот Меѓународни прописи -> ЕКМТ/ЦЕМТ резолуција -> Упатство за примена на новиот ЕКМТ дигитален систем.

Дополнително, ви препорачуваме задолжително да се запознаете со функционирањето на новиот систем преку тест-околина, за навреме да ги совладате сите процедури и да избегнете било какви проблеми по започнување со работа на системот.

По целосното запознавање со системот и преглед на упатството, до крајот на оваа година може да организираме заеднички консултации.

Ви препорачуваме СЕРИОЗНО и ОДГОВОРНО да пристапите кон новите промени како не би се соочиле со проблеми од 01.01.2026 година.

Ваш Макам-транс