Известување за внесување на годишни дозволи во ЕКМТ дигитален систем

Почитувани членки,

Ги информираме сите корисници на ЕКМТ дозволи дека започна внесувањето на годишните ЕКМТ дозволи за 2026 година во официјалниот ЕКМТ дигитален систем (EDS), согласно конечната распределба.

Потребно е секој превозник да се најави на следниот линк: https://eds.itf-oecd.org со мејлот со кој сте регистрирани.

По најавувањето, во делот Дозволи/Licences -> Годишно/Annual -> Пребарај/Search, за секоја ЕКМТ дозвола поединечно, потребно е:

1. Да се отвори самата дозвола со двапати кликнување на истата;
2. Да се провери дали се појавува полето View licence / Погледни дозвола и
3. Да се отвори полето, каде што се прикажува QR кодот на ЕКМТ дозволата.

QR кодот е фиксен и непроменлив за секоја ЕКМТ дозвола и може да се испечати и да му се предаде на возачот или да му се прати во електронска форма (.jpg или .pdf формат) за користење при меѓународен превоз.

Во рамки на QR кодот се содржани следните податоци:
• податоци за трговското друштво (превозникот),
• седиште на трговското друштво,
• период на валидност на ЕКМТ дозволата,
• категорија на дозволата,
• територијални ограничувања.

Навремено направете проверка на внесените податоци во дозволите во системот и доколку има одредени грешки реагирајте во Министерство за транспорт.

Ваш Макам-транс