Промоција на смер возач на моторно возило – отворен ден во АСУЦ „Боро Петрушевски“

Почитувани членки,

Денес на 20.04.2026 година, претставници на Асоцијација Макам-транс учествуваа на манифестација која секоја година ја организира средното техничко училиште АСУЦ Боро Петрушевски – Скопје, со цел до учениците да ги доближи активностите кои би се извршувале по завршување на нивното образование преку штандови на голем број стопанственици.

И оваа година со промоција на смер „возач на моторно возило“ како Асоцијација Ве претставуваме Вас и укажуваме на потребата од стручен кадар кој ќе ги управува вашите возила, ќе има познавање од странски јазик и стручна материја која е битна за вршење пред се на меѓународен превоз, со што и превозното друштво ќе биде претставено во позитивна смисла. Младите лица (мажи и жени) ќе имаат можност за едукација и поголемо вреднување на работното место возач на моторно возило.

Ваш Макам-транс