АМСМ - обуки за АДР и професионална компетентност за управител
Почитувани членки,
Нашата ВИП членка АМСМ ни сподели информација за обуките што ги спроведува АМСМ Центар за возила.
Во прилог целосната информација:
„Обука - професионална компетентност за управители
Обуката за управители е наменета за лица кои сакаат да се стекнат со сертификат за професионална компетентност за вршење патен превоз. Програмата ги опфаќа клучните знаења потребни за современо и одговорно управување со транспортна дејност.
Стручната обука опфаќа тематски единици од областа на финансиите, професионалните компетенции, условите за работење, основите на менаџментот, сообраќајните регулативи, договорите и протоколите во патниот превоз, маркетингот и нормите за социјална заштита на вработените.
Обуката се спроведува во АМСМ Центар за возила, од страна на стручно оспособени предавачи и согласно однапред одобрена програма.
По завршувањето на обуката се издава Потврда за спроведена обука, која е услов за полагање на испит пред Комисијата од Министерство за транспорт.
Потребен документ за пријавување:
- Лична карта
Обука за АДР советници
Превозот на опасни материи бара високо ниво на стручност, познавање на прописите и правилно постапување во сите фази на транспортот. Опасните материи можат да претставуваат ризик за животот и здравјето на луѓето, материјалните добра и животната средина при пакување, натовар, транспорт, претовар, истовар и користење.
Поради тоа е неопходно стручно оспособување на лицата кои учествуваат во организацијата и реализацијата на превозот на опасни материи. Обуката овозможува запознавање со карактеристиките на опасните материи, правилата за нивен безбеден транспорт и мерките што треба да се преземат за спречување инциденти и ограничување на последиците доколку до нив дојде.
Обуката ја спроведуваат стручно оспособени предавачи од АМСМ Центар за возила. По завршувањето се издава Потврда за спроведена обука, која е услов за полагање на испит пред Комисијата од Министерство за транспорт.
Потребни документи за обука и пријава на стручен испит:
- Лична карта
- Возачка дозвола (македонска)
Обука за АДР возачи
Возачите кои превезуваат опасни материи мора да поседуваат АДР сертификат. За стекнување со сертификатот е потребно организирано и стручно оспособување за безбедно ракување и транспорт на опасни материи.
Обуката е насочена кон запознавање со карактеристиките на различните опасни материи, ризиците поврзани со нивниот превоз, правилното постапување при натовар, претовар и истовар, како и мерките за заштита во случај на инцидент. Целта е можноста за несреќни случаи да се сведе на минимум, а последиците од евентуален инцидент да се ограничат.
Обуката ја спроведуваат стручно оспособени и професионални предавачи од АМСМ Центар за возила. За завршената обука се издава Потврда за спроведена обука, која е услов за полагање на испит пред Комисијата од Министерство за транспорт.
Потребни документи за пријавување за обука и стручен испит:
- Лична карта
- Возачка дозвола (македонска)
За дополнителни информации и пријавување, заинтересираните лица може да се обратат во АМСМ Центар за возила.“
Контакт лице: Давид Тренчевски
Контакт телефон: 072/228-196
Контакт е-пошта: obuki@amsm.com.mk, dtrencevski@amsm.com.mk“
Ваш Макам-транс