Основни информации за веб апликацијата

Почитувани членки,

Новата надградба на веб страната им овозможува на сите најавени корисници – членки поширок спектар на информации.

Апликацијата се состои од три дела:

1. Постави прашање – добиј одговор
2. Пријави застој / провери состојба на патишта
3. Пријави корупција / мигранти

Во делот Постави прашање – добиј одговор постојат три дела каде секој најавен корисник – членка  може да се вклучи и активно да даде свој придонес.

Прв дел: Постави прашање – доби одговор од асоцијацијата

Втор дел: Комуникација/споделување на информации меѓу превозниците

Трет дел: Комуникација ВИП членка – превозник

Првиот дел е комуникацијата со асоцијацијата, т.н Доживотно учење каде ќе може корисникот да постави прашање и добие одговор од стручната служба на асоцијацијата. Секое прашање и одговор остануваат во базата на апликацијата  и може преку алатката за пребарување да се провери дали во базата има одговор на темата (прашањето) која ве интересира, доколку нема стручната служба на асоцијацијата ќе ви дадат одговор кој ќе биде достапен за сите.

Вториот дел е поле за комуникација меѓу корисниците на апликацијата. Место  каде ќе се споделуваат искуства од превозниците (позитивни или негативни) со можност за дополнување на информации од секој корисник кој се соочил со таков случај. Место каде ќе се креираат теми на кои секој корисник  ќе може да ги даде своите замисли, видување, предлози, искуство и сл. во однос на зададената тема кои одговори – дискусија понатаму  преку нивна анализа од страна на стручната служба на асоцијацијата ќе дадат можност и поттик за активирање и решавање на истите од страна на асоцијацијата со директен контакт до надлежен орган.

Третиот дел е поле каде ВИП членките на асоцијацијата директно ќе ги  објавуваат своите понуди и/или промени во асортиманот на услуги/ стоки  или ќе ги споделуваат совоите идеи со корисниците-членки за да добијат нивно мислење за своите услуги и спроведување на одредена акција за одреден период со цел да ги разберат потреби на корисниците, а корисниците ќе имаат можност да добијат одговор на сите прашања поврзани со дејноста и услугите кои ги нудат ВИП членките.

Во делот Пријави застој / провери состојба на патишта, секој најавен корисник – членка ќе има можност да пријави одреден застој: проблем на пат (сообраќајка, поплави, одрони и сл.), гранични премини, работа на пат во матичната држава и во држави од Европа, со што ќе се овозможи поголема флексибилност за навремено планирање на транспортните операции преку користење на алтернативни патишта.

Во делот проверка на состојба на патишта, освен пријавите од превозниците и од возачите ќе може секој корисник да ја проверува состојбата на патиштата (забрани за движење, празници и сл.) според објавените информации од надлежни институции во државата, но и информации од државите во Европа, како и информации за Зелени зони во Европа, Слободни паркинг места во Европа, Traffic ban, Романска е-вињетка  и др. информации  кои ќе се додаваат во овој дел, а се однесуваат на главните транспортни коридори во Европа.

Во делот Пријави корупција / мигранти секој корисник АНОНИМНО ќе може да пријави корупција на гранични премини, по транспортни коридори или во било која државна институција во државата и надвор од нејзините граници.

Пријавувањето корупција е анонимно и доверливо.

Сите пријави преку системот се испраќаат до надлежните институции без објавување на Вашите податоци во вид на збирни извештаи по држави и надлежен орган (царина, полиција, транспортен или друг инспектор и сл.) со што ве охрабруваме за пријавување на сите незаконски дејствија од страна на надлежните органи во државата и надвор од нејзините граници. Сите пријави ќе пристигнуваат и до Националниот координативен центар за гранично управување кои ќе преземаат понатамошни мерки за отворање на случај против пријавениот и проверување на добиената пријава според сопствени истражни методи. Извештаите по држави ќе се користат како доказ при одржување на билатерални средби со други држави од областа на превозот.

Полето Пријави мигранти е воспоставено со цел да се собират податоци за веќе настанати проблеми и откриени  мигранти влезени  во товарниот простор на возилата како податоци за понатамошна анализа и интервенција до надлежни органи.. Полето е предвидено  и за пријави на забележани мигранти по транспортните коридори и гранични премини. Информацијата дирекно се доставува до Националниот координативен центар за гранично управување кој има за задача согласно добиената пријава да интервенира кај надлежните институции (Европол) за организација на транспорт на мигрантите до соодветни кампови каде што истите треба да престојуваат, со цел спречување нивно влегување во товарниот простор на  возила. Во случај кога ќе  приметите нелегален транспорт на мигранти со комбиња, патнички возила и сл. пријавете и запишете го доколку е можно и регистарскиот број на возилото , местото и времето кога дејствието се случува со цел да придонесеме за спречување на секакви незаконски движења на мигрантите кои нанесуваат огромна штета директно на сите превозници.

Со развојот на веб апликацијата се овозможува поголема флексибилност и ефикасност на превозните трговски друштва и нивна поголема заштита од незаконски дејствија.

Асоцијација „Макам-транс“